((نــور العـيــــون))

بسم الله رحمن رحيم

مسك ٍ وريحان ٍ وعطر ٍ مع العود
ريحت حبيبي يالعشاشيـق منهـا
الي جديله فوق الامتان منضـود
نور العيون اليا غفي النور عنها
حبه بقلبي زايـد ٍ مالـه حـدود
والروح لو يطلب رخيص ٍ ثمنهـا
احد ٍ يبدل صافي الـود بصـدود
واحد ٍ حياته لجل خلـه رهنهـا
باب السعاده دوني اليوم مـردود
وطير السعاده دنيتي طار عنهـا
انا الغريب اللي عن القرب مطرود
وجروح قلبه فـي فـواده دفنهـا
راحة حياته بالهوي كلها اوعـود
مسافر وعينه مادنا النـوم منهـا
من عقب ماهو طامع ٍ يطلب الزود
يرجع وحاله نايـل الهـم منهـا